Хүдүлүг ада-иелер!
Чайгы дыштанылга – уругларның эң-не уттундурбас болгаш сонуурганчыг үези.
Чайгы дыштанылга эгелээни-биле, улуг улустуң мурнунда кол сорулга – ажы-төлдүң дыштанылга үезинде айыыл чок чоруун хандырары.
Ажы-төлдү хайгааралга ап, хемнер-хөлдер, суглуг черлер чанынче улуг улустуң хайгааралы чокка чорутпазын кыйгырдывыс! Кудумуларга, машина оруунга, ээн черлерге, ээзи чок тудугларга ойнавазын чугаалап туруңар.
Кедээр аалдарже дыштанып чорупкан уругларны ээн кагбаңар.
Өске черлерже дыштандырып чорупкан ажы-төл-биле үргүлчү харылзажып, долгажып туруңар.
«Комендант шагын» шыңгыы сагыырын сагындырып тур бис. Полиция ажылдакчылары ол талазы-биле үнүүшкүннерни доктаамал чорудуп турар.
Ук хоойлуну хажыткан хамаатылар административтиг торгаалга онаажыр. Полицияның дежурный кезээнче кирген назы четпээн уругнуң дугайында медээлер Россияның ИХЯ-ның медээлер баазазынче киргеш, аңаа шыгжаттынар. Ол чүүл уругнуң келир үеде өөредилге албан черинче дужаап киреринге багай салдар болур дээрзин билип алза эки.
Школачы дыштанылгалар үезинде ажы-төлге айыыл чок чорукту тургузаы, оларны камгалап, хайгаараары — ада-иелерниң улуг харыысалгазы.
Ынчангаш, хүндүлүг ада-иелер, ажы-төлүңерни улуг кичээнгейге ап, хайгааралыңарны кошкатпаңар!
Чаштарывыс чайгы дыштанылганы ажыктыг, солун, хөглүг эрттирерин күзедим.
