Мероприятия (план, справки)

Дүүн, ноябрь 22- де, Ш. Ч. Сат аттыг Чаа-Хөл ортумак школазынга Тываның Улустуң чогаалчызы А. Даржайның 80 харлаанынга тураскааткан республика чергелиг «Даржай аттыг номчулгалар» деп I- ги эртем-практиктиг конференция болуп эрткен. Республиканың кожууннарындан: Кызыл, Сүт-Хол, Бай-Тайга, Өвүр, Чөөн-Хемчик, Барыын-Хемчик, Чеди-Хөл, Каа-Хем, Улуг-Хем болгаш Тожу кожууннардан чогаалчының чоок төрелдери, эртем ажылдакчылары, ортумак школаның башкылары, уруглар садтарының кижизидикчилери, Тываның чогаалчылар эвилелиниң кежигуннери, культура ажылдакчылары дээш янзы-буру социал адырлардан 56 киржикчи секцияның ажылдарынга киржип, чидиг айтырыгларга эртем-шинчилел ажылдарын илеткеп, түңнелдерни ундурген. Ш. Ч. Сат аттыг Чаа-Хөл ортумак школазының планын ёзугаар Чаа-Хөл кожуунунуң баштаар чери,Өөредилге эргелели болгаш Культура килдизи улуг үлүг-хуузун киириштирип, конференцияның бедик деңнелге эртеринге деткимчени кылган. Чаа-Хол кожууннун оопедилгезинин профкомунга болгаш школавыстын профкомунга изиг , амданныг аьш-чеми дээш узун оруктан келген аалчылар ооруп, четтиргенин илереткеннер.
» Даржай аттыг номчулгаларның » түңнел кезээ Чаа-Хөл кожууннуң төп Культура Одаанга байырлыг байдалгв эртип, шылгараан илеткелчилерни болгаш «Тыва дыл-чоннуң өнчүзү» деп чогаадыгларның тиилекчилерин шаңнап, «ДНС «деп садыгдан үнелиг сертификаттарны тывыскан.